3 vite nga ngjitja e Uta Ibrahimit në Majën Everest, sot mban në duar librin që flet për guximin e saj

3 vite nga ngjitja e Uta Ibrahimit në Majën Everest, sot mban në duar librin që flet për guximin e saj

Ishte data 22 maj e vitit 2017 kur alpinistja Uta Ibrahimi arriti Majën Everest. Kjo ditë ishte historike për vendin tonë, ndërsa për Utën një ëndërr e realizuar që i shërbej për shumë gjëra, e në veçanti e ka shtyrë atë të bëhet inspirim për të rinjtë e sidomos për fëmijët, shkruan KultPlus.com

Historia e alpinistes së Kosovës, Uta Ibrahimi, me të gjitha sukseset e saj është përmbledhur tashmë edhe në një libër.

 “Uta e Maleve” është libri i cili flet për guximin e saj dhe sot në këtë datë të shënuar ajo mban librin në duar, duke u ndjerë krenare e duke i motivuar njerëzit që të ecin përpara.

Përmes një postimi në Facebook, Uta ka përshkruar momentin e ngjitjes në Majën Everest dhe ka falënderuar të gjithë ata që e kanë ndihmuar në rrugëtimin e saj.

KultPlus ju sjell të plotë postimin e saj:

22 Maj 2017, në ora 0505, e ngjita majën ma të naltë të Botës, Majën Everest 8848metra.

Kur ka dal djelli edhe rrezet ma kanë shkri akullin në fytyrë, mu ka dok që krejt bota po më përqafon në qat moment. M’ka dhan energji me vazhdu me shku te posht edhe nja 15 orë të tjera, pa ushqim e pa ujë.

Çdo ditë pas asaj dite, s’ka qenë ma si përpara. Çdo ditë ka qenë ma e bukur e me shumë sfida!

Prej asaj dite, e kam marr përsipër një punë shumë të dashur për mu e me shumë nevojë për vendin tem …me i inspiru të rinjtë, e sidomos fëmijët <3

Këtë herë bashk me ekipen ma të dashur në botë, e kemi botu librën pë ngjitjen në Everest.

Libri ‘ Uta e Maleve’ / ‘Uta and the Mountains’ është botuar në dy gjuhët, shqipe dhe angleze, e pritet me u botu edhe në shumë gjuhë të tjera nëpër botë, e që do ta ndihmojmë vendin tonë të vogël me zemra të mëdhaja me ec përpara.

Ju du pafund, njerëz të mirë që keni qenë motivi jem që unë me arrit mi realizu andrrat e mia, e që më vonë na u ban endërrat tona <3

Videoja e Çatisë së Botës – ku flamuri i Kosovës valvoi për herë të parë!
https://www.youtube.com/ëatch?v=EGehJ9FexE0&t=8s.

Librin e gjeni në: Dukagjini Bookstore

Mbështësit e Projektit Utalaya dhe Librit: UN Kosovo Team UN Women Kosovo UNICEF Innovations Lab Kosovo UNHCR Kosovo UNFPA Kosovo Komuna e Prishtinës Ministria e Kulturës, Rinisë dhe Sportit Studio Permanent Butterfly Outdoor Adventure Lum Ademi KultPlus.com

Ekipa e Librit: Autore: Teffta Kelmendi, Ilustruesja: Katerina TeRi Nikolovska, Dizajni: Nita Salihu Hoxha Urtina Hoxha. / KultPlus.com

http://www.kultplus.com/