Abrashi memorandum bashkëpunimi me Gjinin, disa rrugë do të ndërtohen

Abrashi memorandum bashkëpunimi me Gjinin, disa rrugë do të ndërtohen

Ministri në detyrë i Infrastrukturës, Arban Abrashi, sot ka nënshkruar memorandum bashkëpunimi me kryetarin e komunës së Gjakovës, Ardian Gjini, përmes së cilit do të mundësohet ndërtimi dhe asfaltimi i disa rrugëve në këtë qytet.

Siç bëhet e ditur përmes një njoftimi për
media, ndërtimi i rrugës hyrëse në Gjakovë nga ana veriore, nga drejtimi i
Pejës dhe i rrugës transite që lidh rrugën hyrëse nga Peja me rrugën hyrëse nga
Prishtina, bashkë me asfaltimin e shtatë rrugëve të tjera, janë pjesë e kësaj
marrëveshjeje, përmes së cilës MI është financuese e projekteve.

“Këto projekte janë pjesë e
marrëveshjeve të reja me komunat e Republikës së Kosovës dhe parashohin
financimin e ndarë në disa faza”, thuhet në komunikatë.