Home
APK-ja ngre kallëzim penal ndaj zëvendësministres së Jashtme, Liza Gashi

APK-ja ngre kallëzim penal ndaj zëvendësministres së Jashtme, Liza Gashi – Lajmet e fundit

  • in Lajme
  • on



Agjencia për Parandalimin e Korrupsionit (APK) ka ngritur kallëzim penal ndaj zëvendësministres së Ministrisë së Punëve të Jashtme dhe Diasporës (MPJD), Liza Gashi.

Kallëzimi penal është pranuar në Zyrën e Kryeprokurorit të Shtetit.

“ju njoftoj se Zyra e Kryeprokurorit të Shtetit me datë 09 shkurt 2022, ka pranuar kallzimin penal kundër Liza Agim Gashi zv. ministre në Ministrinë e Punëve të Jashtme dhe Diasporës”, thuhet në përgjigjen e Zyrës së Kryeprokurorit të Shtetit për “Betimi për Drejtësi”.

Zyra e Kryeprokurorit të Shtetit tutje bën të ditur se prokurori kompetent rastin në fjalë e ka dërguar për trajtim të mëtutjeshëm në Prokurorinë Themelore në Prishtinë.

“Prokurori kompetent nga Zyra e Kryeprokurorit të Shtetit, rastin në fjalë më datë 10 shkurt 2022, e ka dërguar për trajtim të mëtutjeshëm në Prokurorinë Themelore në Prishtinë”, përfundon përgjigja e Zyrës së Kryeprokurorit të Shtetit, dhënë për “Betimi për Drejtësi”.

Ndryshe, krahas zëvendësministres së Ministrisë së Punëve të Jashtme dhe Diasporës, lëndë në Prokurorin e Shtetit ka edhe ministrja e kësaj Ministrie, Donika Gërvalla.

Rasti i Gërvallës për “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare” është në fazën e hetimeve në Prokurorin e Shtetit.

Lajme të ngjajshme:

  1. 3 vjet burg, kërkohet dënim edhe më i ashpër ndaj deputetes së Vetëvendosjes – Lajmet e fundit
  2. Aktakuzë ndaj ish-deputetit Shkumbin Gashi dhe shtatë të tjerëve lidhur me zgjedhjet e 14 shkurtit 2021 – Lajmet e fundit
  3. Krasniqi: PDK-ja i jep mbështetje “Lulëkuqes së Kosovës”, si simbol të përkujtimit të gjenocidit ndaj shqiptarëve në Kosovë – Lajmet e fundit
  4. Çitaku reagon ndaj deklaratës së Gërvalles për ambasadorin Berishaj, shkarkimi nuk mjafton – Lajmet e fundit