Bursistja e MASHTI-t, Master Shkence me nderime të larta në Arkitekturë në KU Leuven të Belgjikës

Bursistja e MASHTI-t, Master Shkence me nderime të larta në Arkitekturë në KU Leuven të Belgjikës – Lajmet e fundit



Vitin e kaluar për herë të parë Ministria e Arsimit, Shkencës, Teknologjisë dhe Inovacionit (MASHTI) ka ofruar mbështetje financiare për 16 studentë të pranuar në top-universitetet më të mira në botë.

E një nga përfitueset e kësaj mbështetjeje, Gjiltine Isufi, ka diplomuar me nderime të larta (With Great Distinction) si Master Shkence në Arkitekturë në Universitetin prestigjioz të Belgjikës, KU Leuven, raporton Zeri.info.

MASHTI ka njoftuar se përveç mbështetjes financiare nga vetë Ministria, ajo ka fituar edhe bursë të plotë “Master Mind Scholarship” edhe nga shteti i Belgjikës.

“Gjiltine Isufi është përzgjedhur Laureate e gjeneratës 2020-2022 si studentja me suksesin më të lartë në këtë Fakultetin e Arkitekturës. Në dy vjetët e fundit ka qenë ambasadore në këtë Fakultet, me ç’rast ka ndihmuar shumë studentë që kanë shprehur interesim për studime në Universitetin KU Leuven”, ka thënë Ministria në një njoftim.

MASHTI theksoi se përkrahja për të rinjtë nuk do të ndalet, duke shtuar se do të vazhdojnë të financojnë të rinjtë kosovarë përmes bursave, “sepse përgatitja e tyre është hap i rëndësishëm për fuqizimin e Kosovës”. /Zëri