Destinacioni më i lirë në Europë për momentin

Destinacioni më i lirë në Europë për momentin

Duke u bazuar tek atraksionet falas, çmimet e ulëta të ushqimeve e të pijeve, si dhe kostot e transportit publik, në këtë artikull do të gjeni disa nga qytetet më të përballueshme nga aspekti financiar në Europë.

 

Ndërkohë që kriza e kostos së jetesës vazhdon të bëhet akoma më problematike, shumë njerëz nuk mund të shpenzojnë para për të bërë pushime luksi. Madje, edhe ata që duan të udhëtojnë, janë në kërkim të destinacioneve më të lira.

Nëse po pyesni veten se cili mund të jetë destinacioni më i përballueshëm financiarisht i kontinentit për të udhëtuar në këto kohë, përgjigjen mund ta gjeni te një studim i ri të realizuar nga faqja për planifikimin e udhëtimeve, Omio.

Omio krahasoi 100 destinacione të njohura për udhëtime në të gjithë Europën duke studiuar elementë të tillë si atraksionet falas, çmimet e pijeve, kostot e vizitave në atraksionet turistike dhe çmimi i transportit publik, për të zbuluar përfundimisht destinacionet më të lira të kontinentit.

I kurorëzuar si destinacioni më i përballueshëm ishte qyteti jugor spanjoll i Granadës. Sipas Omio, Granada ka 112 atraksione pa pagesë, ndërsa birrat kushtojnë mesatarisht vetëm 2,50 euro dhe çmimi i një bilete autobusi, e cila vlen për 24 orë brenda qytetit, është 1,40 euro.

Granada nuk është thjesht një qytet i lirë, ai është gjithashtu një nga destinacionet më magjepsëse të Spanjës. Nga madhështia mbresëlënëse e pallatit Alhambra dhe e katedrales së famshme të qytetit, deri tek afërsia me malet e Sierra Nevada, Granada vlen shumë më tepër sesa thjesht një vizitë.

Më pas vjen qyteti i Bruges në Belgjikë, kryesisht për shkak të atraksioneve falas që ofron, i ndjekur më pa nga Venecia, e cila, pavarësisht se përgjithësisht perceptohet si një vendi i kushtueshëm, me sa duket ka gjithashtu një sërë muzesh falas.

Këto janë dhjetë destinacionet më të lira në Europë, sipas studimit të Omio.

  1. Granada, Spanjë
  2. Bruges, Belgjikë
  3. Venecia, Itali
  4. Valencia, Spanjë
  5. Edinburg, Mbretëri e Bashkuar
  6. Innsbruck, Austri
  7. Kembrixh, Mbretëri e Bashkuar
  8. Sevilje, Spanjë
  9. Màlaga, Spanjë
  10. Firence, Itali / TimeOut