'E zymtë asht dita e motit, nuk dij a kem’me u pa….'

‘E zymtë asht dita e motit, nuk dij a kem’me u pa….’

Poezi nga Arshi Pipa

Lamtumirë

Mos loto, q’i n’kujtesë
Të ruej pa turbullue
Kqyrjen tënde plot shpresë
Magdalenë e pikëllue!

Mos qaj! Fisnike zija
kur veten nuk e shpalle
Ashtu nga dashunija
ti vdiqe tue u ngjall.

E zymtë asht dita e motit
Nuk dij a kem’me u pa….
N’se jo, ti lutju Zotit,
Se mirë na jemi nda. / KultPlus.com