Eksperti i NATO-s: Vuçiqi e ka të qartë se do t’i kundërpërgjigjemi nëse e sulmon Kosovën

Eksperti i NATO-s: Vuçiqi e ka të qartë se do t’i kundërpërgjigjemi nëse e sulmon Kosovën – Lajmet e fundit



Për shkak të fillimit të reciprocitetit me Serbinë, dje situata në Serbi u tensionua, gjë që nxiti reagime të shumta të liderëve evropianë.

Eksperti i strategjisë së mbrojtjes së NATO-s Thomas Theiner, ka thënë se dje presidenti i Serbisë, Aleksandar Vuçiq ka marrë mesazh të qartë nga NATO-ja në raport me Kosovën, shkruan Zeri.info.

Ai më tej shtoi se nëse Vuçiq do ta sulmonte Kosovës, forcat e NATO-s do ta bombardonin Serbinë brenda 24-orësh.

“Mbrëmë oficerët e Shtabit të Përgjithshëm të Serbisë i shpjeguan presidentit Vuçiq se nëse ai urdhëron ta sulmojë Kosovën, avionët e NATO-s brenda disa orësh do t’i bombardonin forcat serbe dhe brenda 48 orësh Brigada Ajrore 173 e Ushtrisë Amerikane do të zbarkojë në Aeroportin e Prishtinës dhe Brigada e Parashutistëve të Ushtrisë Italiane “Folgore” do të zbarkojnë në Aeroportin e Gjakovës (të cilin ushtria italiane e ndërtoi për këtë qëllim)”, ka thënë Theineri.

Esperti i NATO-s më tej theksoi se me këtë rast do të mobilizohej edhe flota detare italiane.

“Një ditë më pas Brigada e Mekanizuar e Ushtrisë Italiane “Pinerolo” e cila është vendosur në Bari do të ankorohej nga Divizioni i 3-të Detar i Marinës Italiane me anijet e tij amfibe nga Brindisi në Durrës brenda 2 ditëve. Nga Durrësi në Mitrovicë, me anijet “Freccia IFV” me rrota të Pinerolo-s dhe shkatërruesve të tankeve Centauro u duhen 6 orë falë autostradës A1 të bashkëfinancuar perëndimore”, shkroi ai në Tëitter.

Theineri më tej u shpreh se aleanca e NATO-s ka 23 vjet që përgatitet ta mbrojë Kosovën, nëse sulmohet nga Serbia.

“Shkurt: NATO ka 23 vjet që planifikon dhe trajnohet për ta mbrojtur Kosovën; nëse serbët ndonjëherë shkojnë ta ballafaqojnë NATO-n”, shkroi ai ndër të tjera. /Zëri