Gati 20 mln dozat e para të vaksinës - “Moderna” do t`i prodhojë brenda vitit, pret autorizimin për përdorim emergjent

Gati 20 mln dozat e para të vaksinës – “Moderna” do t`i prodhojë brenda vitit, pret autorizimin për përdorim emergjent

Moderna deklaroi të Premten se është në rrugën e duhur për të prodhuar 20 milion doza të vaksinës eksperimentale të koronavirusit deri në fund të vitit, duke ruajtur qëllimin e saj për të përgatitur 500 milionë deri në 1 miliard doza në 2021. Vaksinat dhe trajtimet shihen si thelbësore në kontrollimin e pandemisë COVID-19 që nuk ka treguar shenja ngadalësimi dhe ka vrarë mbi 944,000 njerëz në të gjithë botën deri më tani.

Një grusht vaksinash, përfshirë ato nga Pfizer Inc PFE.N dhe AstraZeneca AZN.L, gjithashtu po testohen në studime të mëdha. Moderna kishte regjistruar 25,296 pjesëmarrës nga 30,000 të planifikuar në studimin e saj të fazës së vonë që nga e Mërkura.  Kompania po punon me Lonza Group Zvicër AG LONN.S dhe laboratorrin spanoll, SAROVI.MC për të bërë vaksinën jashtë Shteteve të Bashkuara.

Moderna ka një marrëveshje furnizimi vaksinash me SH.B.A. për 100 milion doza dhe ka përfunduar bisedimet e avancuara me Bashkimin Europian për vaksinën.  Qendra për Kontrollin dhe Parandalimin e Sëmundjeve parashikojnë që 35 milionë deri në 45 milionë doza të vaksinave nga dy kompanitë e para do të jenë në dispozicion në Shtetet e Bashkuara deri në fund të këtij viti. Moderna planifikon të kërkojë autorizim emergjent për përdorimin e vaksinës së saj në grupe me rrezik të lartë nëse provon të jetë së paku 70% efektive, i tha shefi ekzekutiv i saj Reuters më parë këtë javë.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.