Gjashtë të vdekur dhe 697 raste të reja me COVID-19 në Shqipëri

Gjashtë të vdekur dhe 697 raste të reja me COVID-19 në Shqipëri – Lajmet e fundit



Ministria e Shëndetësisë në Shqipëri thotë se në 24 orët e fundit gjashtë pacientë kanë humbur jetën, ndërkohë janë konfirmuar edhe 697 raste të reja me COVID-19.

Autoritetet teksa bëjnë bilancin konfirmojnë se numri i të shtruarve në katër spitalet Covid ka shkuar në 260, ku 19 prej tyre janë në terapi intensive dhe tre të tjerë të intubuar.

Pavarësisht numrit të lartë të infektimeve të reja, tregues pozitiv mbetet numri i pacientëve të shëruar nga Covid-19. Kështu, ën orët e fundit listës totale të të shëruarve i janë shtuar 433 pacientë, duke e çuar në total numrin e të shëruarve në 36,535.

Qarku më i prekur në Shqipëri nga Covid-19 vijon të jetë Tirana, e cila kryeson si për numrin e viktimave ashtu dhe për rastet e infektimeve. Që nga fillimi i pandemisë në vendin tonë numërohen 1223 të vdekur. Ministria e Shëndetësisë kërkon nga qytetarët të respektojnë masat e diktuara kundër Covid-19.

Sipas përfaqësuesve të ministrisë, masat e diktuara janë të thjeshta, por tepër esenciale në uljen e përhapjes së pandemisë në popullatë./EuronewsAlbania