Haradinaj për qeverinë Kurti: E dëmtoi sektorin e arsimit me mbi 31 milionë euro

Haradinaj për qeverinë Kurti: E dëmtoi sektorin e arsimit me mbi 31 milionë euro – Lajmet e fundit



Kryetari i AAK-së, Ramush Haradinaj ka vazhduar të publikojë dëmet që sipas tij, qeveria Kurti i ka shkaktuar në secilin sektor.

Sot, Haradinaj përmes një postimi në Facebook, ka paraqitur dëmin në sektorin e arsimit.

“Më herët kemi paraqitur dëmin e shkaktuar ndaj policëve, shërbyesve civil dhe personelit shëndetësor, për shkak të neglizhencës së qeverisë.
Por, dëmi më i madh, nga papërgjegjësia e Qeverisë Kurti, i është shkaktuar sektorit të Arsimit”, ka shkruar Haradinaj.

Ai ka shtuar se ky dëm kap shifrën mbi 31 milionë euro.

“Mësimdhënësit, edukatorët, pedagogët, bibliotekistët, administrata e udhëheqja e sektorit arsimor, janë goditur rëndë nga Kurti, e vlera e dëmit të shkaktuar është mbi 31 milionë euro”, ka shtuar Haradinaj.

Sipas tij, është i domosdoshëm aprovimi i Ligjit të Pagave.

“Aprovimi i Ligjit të Pagave, është domosdoshmëri”, ka përfunduar Haradinaj.