Haradinaj: Qeveria Kurti dëmtoi sektorin e arsimit mbi 31 milionë euro – Lajmet e fundit

Kreu AAK-së, Ramush Haradinaj, ka vazhduar të bëj publike dëmet që qeveria Kurti sipas tij i ka shkaktuar në secilin sektor.

Ai përmes një postimi në rrjetin social Facebook, ka paraqitur dëmin në sektorin e arsimit.

“Më herët kemi paraqitur dëmin e shkaktuar ndaj policëve, shërbyesve civil dhe personelit shëndetësor, për shkak të neglizhencës së qeverisë.

Por, dëmi më i madh, nga papërgjegjësia e Qeverisë Kurti, i është shkaktuar sektorit të Arsimit”, ka shkruar Haradinaj.

Sipas tij, ky dëm kap shifrën mbi 31 milionë euro.

“Mësimdhënësit, edukatorët, pedagogët, bibliotekistët, administrata e udhëheqja e sektorit arsimor, janë goditur rëndë nga Kurti, e vlera e dëmit të shkaktuar është mbi 31 milionë euro”, ka thënë Haradinaj.

Haradinaj thotë se është i domosdoshëm aprovimi i Ligjit të Pagave.

“Aprovimi i Ligjit të Pagave, është domosdoshmëri”, ka thënë Haradinaj. /Zëri