Hoti ia kujton Ferajt momentin kur e nderonte trupin e pajetë të Enver Hoxhës – Lajmet e fundit

Ish-kryeministri Avdullah Hoti i është përgjigjur këshilltarit të kryeministrit Kurti, i cili e akuzoi se po merr urdhra nga ish-emisari special amerikan Richard Grenell dhe se e ka demantuar ambasadorin Hovenier kur tha se Kurti nuk u koordinua me ndërkombëtarët për vendimet e Qeverisë për reciprocitet me Serbinë.

Hoti ka reaguar ashpër, duke ia përmendur Ferajt kohën e diktatorit Hoxha dhe duke e quajtur rob në mendje e në shpirt.

“Ata që gjithë jetën nuk kanë guxuar as të mendojnë pa marrë urdhër, e janë betuar për zbatim të urdhrave edhe para padronit të tyre të vdekur, kujtojnë se të gjithë janë si ata – relikte të së kaluarës të dhimbshme për popullin shqiptar dhe robër në mendje e shpirt.

Paguhen nga taksat e qytetarëve, e merren me shpifje e konspiracione ndaj kundërshtarëve politikë”, shkroi Hoti. /EO