Kamberi: Vuçiqi po tenton të kontrollojë ata që nuk po i nënshtrohen

Kamberi: Vuçiqi po tenton të kontrollojë ata që nuk po i nënshtrohen – Lajmet e fundit



Deputeti shqiptar në Parlamentin e Serbisë, Shaip Kamberi ka reaguar ndaj presidentit serb Aleksandar Vuçiq, pasi që sipas tij, ky i fundit po tenton që t’i kontrollojë edhe të zgjedhurit joserbë në Serbi dhe joshqiptarë në Kosovë.

Sipas Kamberit, Vuçiqit nuk po i mjaftojnë deputetët në paralementin e Serbisë dhe të gjithë 10 deputetët serbë në paralementin e Kosovës.

“Aleksandër Vuçiqit nuk po i mjaftojnë 243 deputetë nga gjithsej 250 në parlamentin e Serbisë dhe të gjithë 10 deputetët serbë në parlamentin e Kosovës. Po synon t’i kontrollojë edhe të zgjedhurit joserbë në Serbi dhe joshqiptarë në Kosovë. Dhe për këtë, nuk po ngurron të përdorë metoda të ndryshme ndaj atyre që nuk po i nënshtrohen; qoshin ata serbë, boshnjakë, romë, shqiptarë etj”, ka shkruar Kamberi në “Facebook”.

Sipas tij “ e tërë kjo para syve të mbyllur të bashkësisë ndërkombëtare”. /Zëri