Komandanti që kreu krime në Kosovë zgjidhet nënkryetar i kuvendit serb, reagon këshilltari i Konjufcës

Komandanti që kreu krime në Kosovë zgjidhet nënkryetar i kuvendit serb, reagon këshilltari i Konjufcës – Lajmet e fundit



Bozhidar Deliq është zgjedhur sot nënkryetar i Kuvendit të Serbisë. Ai ishte komandant i Brigadës 549 të Motorizuar të Ushtrisë së Jugosllavisë, brigadë që ishte përfshirë në vrasjet masive të civilëve në Kosovë.

Pas kësaj ka reaguar Ilir Kërçeli, shefi i Kabinetit të kryetarit të Kuvendit të Kosovës, Glauk Konjufca, i cili ka thënë se zgjedhja e Deliqit është veç mesazhi i radhës se politikat e Milosheviqit admirohen e fuqizohen edhe në shekullin 21, transmeton Zeri.info.

“Se a dëshiron Serbia marrëveshje me Kosovën tregojnë veprimet e mesazhet e njëpasnjëshme që i dërgon anëtari i qeverisë së kasapit të Ballkanit, Vuçiq. Zgjedhja e komandantit Deliq, i cili mori pjesë në sulmet në Kosovë të ushtrisë jugosllave, në krye të parlamentit të Serbisë është veç mesazhi i radhës se politikat e Milosheviqit admirohen e fuqizohen edhe në shekullin 21”, shkroi Kërçeli. /Zëri