Kompania “Pastrimi” në gjendje të rëndë, i del në ndihmë “Eco Regjioni”

Kompania “Pastrimi” në gjendje të rëndë, i del në ndihmë “Eco Regjioni” – Lajmet e fundit

Foto: Ilustrim


Komuna e Prizrenit dhe Ndërmarrja Publike Lokale “Eco Regjioni” i dhuruan përkohësisht një kamion për shfrytëzim Kompanisë Regjionale “Pastrimi” Prishtinë.

Në njoftimin për media të kompanisë “Pastrimi”, thuhet se qëllimi është tejkalimi i gjendjes në të cilën ndodhet Kompania.

“Sot Kryeshefi Ekzekutiv i Ndërmarrjes Publike Lokale ‘Eco Regjioni’, Burim Shala, ndihmoi Kompaninë ‘Pastrimi’ duke dhënë një kamion në shfrytëzim. Në këtë takim e pranishme ishte edhe znj. Merlina Beu Muçaj e cila është Drejtoreshë ekzekutive e Asociacionit të Kompanive Publike ‘Pamkos’. Ushtruesja e Detyrës së KRM ‘Pastrimi’ znj. Fazile Haziri-Maloku shprehet tepër falënderuese për këtë ndihmesë që iu ofrua Kompanisë ‘Pastrimi’”, thuhet në njoftimin e kompanisë.

Kujtojmë se ka një kohë që kompania “Pastrimi” po funksionon me U.d. pasi kryeshefi i deritashëm u shkarkua nga detyra. Gjendja e pastërtisë në kryeqytet, por edhe në fshatrat e komunës, ka qenë e rëndë tash e rreth 1 muaj. /Zëri