Kurti takohet me Bordin e SHSKUK-së, flasin për reformat në këtë sektor

Kurti takohet me Bordin e SHSKUK-së, flasin për reformat në këtë sektor – Lajmet e fundit



Kryeministri i Kosovës, Albin Kurti, priti në takim ministrin e Shëndetësisë Rifat Latifin dhe Bordin e SHSKUK-së, ku diskutuan për vështirësitë e sfidat në sistemin shëndetësor.

Në këtë takim të gjatë u shqyrtuan gjashtë tema kapitale, të cilat përfshijnë reformat në këtë sektor, nevoja për spitalin rajonal të Prishtinës etj.

Ndërkaq Kurti gjatë takimit shprehu zotimin e tij për mbështetje të sektorit të shëndetësisë dhe për angazhim të shtuar për këtë fushë tejet të rëndësishme për shëndetin, jetën dhe mirëqenien e qytetarëve.

Temat të tjera që u trajtuan janë:

Në një takim të gjatë u shqyrtuan këto gjashtë tema kapitale:

Ndarja dhe bashkëpunimi publiko-privat në sektorin e shëndetësisë.

Sistemi Informativ Shëndetësor dhe sigurimet shëndetësore.

Reforma e sistemit shëndetësor, në veçanti e SHSKUK-së, për fuqizimin e QKUK-së, të spitaleve rajonale dhe kujdesit parësor shëndetësor.

Raporti i sektorit publik të shëndetësisë, si shërbim e kujdes profesional me Fakultetin e Mjekësisë të Universitetit, si vatër e kërkimit, hulumtimit dhe studimit shkencor.

Nevoja për spitalin rajonal të Prishtinës.

Raporti i MSH-së dhe SHSKUK-së me pesë odat e profesionistëve shëndetësorë: të mjekëve, të infermierëve, të stomatologëve, të farmacistëve dhe të fizioterapeutëve. /Zëri