Kuvendi i Komunës së Podujevës miratoi disa vendime si masa për parandalimin e Covid-19

Kuvendi i Komunës së Podujevës miratoi disa vendime si masa për parandalimin e Covid-19 – Lajmet e fundit



Kuvendi i Komunës së Podujevës ka mbajtur një mbledhje të jashtëzakonshme, lidhur me masat për parandalimin dhe luftimin e koronavirusit.

Sipas njofitmit për media aty u miratua vendimi për ndarjen e mjeteve financiare në shumë të 125,000 eurove për të iu dhënë qytetarëve në nevojë pako ushqimore dhe higjienike.

Po ashtu aty u miratua edhe vendimi për lirimin nga taksa komunale e të gjitha subjekteve afariste që ushtrojnë veprimtari në territorin e kësaj komune për vitin 2020 si dhe vendimin për lirim nga pagesa e qirasë për të gjithë shfrytëzuesit e pronës Komunale për vitin 2020.

Nënkryetari i Komunës, Nexhmi Rudari, prezantoi një informatë rreth aktiviteteve, masave dhe menaxhimit të situatës nga Coronavirusi COVID-2019. Ai tha se nga marsi kur është paraqitur rasti i parë me të infektuar me këtë virus është ngritur Komisioni komunal për veprime dhe masave parandaluese e mbrojtëse nga COVID-19 ,

“Për menaxhimin e situatës dhe ndërmarrjen e masave preventive ndaj COVID-19, deri tani Komuna ka ndarë  237,000  euro”, tha nënkryetari Rudari, duke potencuar se deri tani janë ndarë 133,000 euro në sigurimin e mjeteve mbrojtës për personelin shëndetësor, ndërsa për dezinfektimin e objekteve dhe hapësirave publike si dhe shtëpive në fshatrat ku janë paraqitur rastet me të infektuar, janë ndarë 94 mijë euro nga buxheti i Komunës”.

“Me shumë e mjeteve të propozuar për miratim sot, prej 125. 000 euro, shuma e përgjithshme e mjeteve të ndara deri tash nga Komuna për menaxhimin e kësaj situate do ta arrijë shifrën prej 362,000 euro”,  sipas njoftimit për media thuhet se kishte thënë Rudari.