LDK-ja s’do të bashkëpunojë me Listën Serbe për rrëzimin e qeverisë “Kurti” – Lajmet e fundit

Lidhja Demokratike e Kosovës, s’do të bashkëpunojë me Listën Serbe e cila ka këruar ditë më parë rrëzimin e Qeverisë së Albin Kurtit.

Kështu ka thënë sot shefi i Grupit Parlamentar të LDK-së, Arben Gashi, teksa ka reaguar pas disa dezinformatave që sipas tij, thonin se Gashi do ta përkrah Listën Serbe për ta rrëzuar Qeverinë Kurti, transmeton Zeri.info.

Raportimet se LDK-ja do të bashkëpunojë me Listën Serbe, Gashi i ka quajtur gënjeshtra e shpifje, që sipas tij nuk kanë të bëjnë me kulturën tonë.

“STOP propagandës, mashtrimit e shpifjeve!Kuzhina shpifëse pro pushtet po shpërndan lajme të rreme, kinse unë kam deklaruar se do ta përkrahim Listën Serbe për ta rrëzuar Qeverinë. Gënjeshtër e kulluar. E pavërtetë e madhe. Gënjeshtra, shpifja e mashtrimi nuk janë në kulturën tonë, ato kanë qenë e janë pjesë e kulturës së kundërshtarëve të kombit e shtetit tonë. Ta çmojmë e respektojmë etikën si dhe ta ruajmë traditën tonë shqiptare; ta themi të vërtetën.Deklarata ime, përkatësisht lajmi i vërtetë, bashkë me përmbajtjen e vërtetë, është si në vijim: LDK nuk do të bashkëpunoj më Listën Serbe për rrëzimin e Qeverisë Kurti”, ka shkruar Gashi.

Ai tha se mund të jen kundërshtarë politik, mund të kenë dallime, mirëpo për kombin e shtetin jemi bashkë përherë. /Zëri