Home
Logopedi që abuzoi me 3 vjeçaren autike kthehet në punë në QKUK

Logopedi që abuzoi me 3 vjeçaren autike kthehet në punë në QKUK – Lajmet e fundit

  • in Lajme
  • on



Iljasa Fazliu, logopedi që abuzoi me 3 vjeçaren me autizëm është kthyer në punë në Klinikën e ORL-së, në QKUK.

Kthimi në punë i logopedit Fazliu është bazuar në vendimin e lëshuar nga Këshilli Gjyqësor i Kosovës, ku i njëjti nuk ka dënim të formës së prerë.

Lajmin e ka konfirmuar zyra për media e QKUK-së.

“Në lidhje me rikthimin e tij në punë, ju njoftojmë se i njëjti është kthyer në punë vetëm si logoped në Klinikën e ORL-së, por jo u.d. shef i shërbimit. Komision Disiplinor vendimin e ka bazuar në Certifikatën mbi Dënimet Penale të lëshuar nga Këshilli Gjyqësor i Kosovës, ku I.F figuron se nuk është i dënuar me Aktgjykim të formës së Prerë”, thuhet në përgjigjen e QKUK-së dhënë Insajderit.

Rikthimi në punë i logopedit është bërë derisa i njëjti është në rilicencim, pasi nuk kishte licencë të logopedit nga Oda e Infermierëve të Kosovës.

“Po ashtu, ka sjellë dëshminë nga Oda e Infermierëve, mamive dhe profesionistëve tjerë shëndësore të Kosovës,  Vëretetim, sipas të cilit është në procedurë të rilicencimit të tij nga data 5 janar 2023”, thuhet më tej në përgjigjen e QKUK-së.

Logopedi, Iljasa Fazliu nga Gjilani ka abuzuar psiqikisht në ordinancën e tij një fëmijë 3 vjeçar të diagnostikuar me autizëm. Gazeta Insajderi kishte siguruar video incizimet ku i njëjti dëgjohet duke e sharë e ofenduar fëmijën teksa dëgjon të qarat e tij.

Lajme të ngjajshme:

  1. Lirohet nga masa e paraburgimit logopedi që abuzoi me 5-vjeçaren në Gjilan – Lajmet e fundit
  2. Vdekja e pacientit në QKUK, kardiokirgu që kreu operimin i përgjigjet ashpër drejtorit të Klinikës – Lajmet e fundit
  3. Rashiqi kërkon zbatimin e Asociacionit, thotë se ka një mundësi ligjore për kthimin e serbëve në punë – Lajmet e fundit
  4. Krasniqi: Kosova e vetmja në Evropë që s’ka material për pasaporta – Lajmet e fundit