Miratohet në lexim të dytë Projektligji për financimin e subjekteve politike

Miratohet në lexim të dytë Projektligji për financimin e subjekteve politike – Lajmet e fundit



Kuvendi i Kosovës, me 64 vota për ka miratuar në lexim të dytë Projektligjin për financimin e subjekteve politike.

Pro këtij projektligji përveç pozitës ishin edhe deputetët e AAK-së, ndërsa ata nga Partisë Demokratike dhe Lidhjes Demokratike u përmbajtën nga votimi.

Në vazhdimin e seancës së sotme, Kuvendi miratoi në lexim të dytë edhe Projektligjin për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura,

Poashtu u votua edhe Projektligjit për ndryshimin dhe plotësimin e Ligjit për Inspektoratin Shëndetësor, dhe ai për Inspektoratin sanitar të Kosovës dhe Projektligjin për të Drejtën Ndërkombëtare Private.

Projektligjit për ndryshimin dhe plotësimin e Ligjit për Inspektoratin Shëndetësor u votua me 62 vota, kurse atë për Inspektoratin sanitar e votuan 61 deputetë.

E Projektligji për të Drejtën Ndërkombëtare Private u votua me 70 vota për, asnjë kundër dhe asnjë abstenim.