Mustafa: Në zgjedhje do t’u jepet shansë të gjithë atyre që i qëndrojnë besnikë LDK-së – Lajmet e fundit

Kryetari i Lidhjes Demokratike të Kosovës, Isa Mustafa, ka njoftuar se brenda LDK-së është diskutuar për zgjedhjet e reja.

Përmes një postimi në “Facebook”, Mustafa ka deklaruar se partia e tij është e gatshme për zgjedhje dhe se do t’u jepet mundësi të gjithë atyre që i qëndrojnë besnikë LDK-së.

“Të nderuar veprimtarë të LDK-së.

Diskutuam sot në Kryesi për zgjedhjet e reja, pas takimeve disaditore që i kisha me kryetarë të degëve. LDK është e gatshme për zgjedhje dhe do të organizohet për fitore. Do tu japim shansë gjithë atyre që e duan dhe i qëndrojnë me besnikëri LDK-së, para zgjedhjeve dhe pas zgjedhjeve”, thuhet në postimin e Mustafës.

Po ashtu, i pari i LDK-së, njoftoi se kryeministri në detyrë, Avdullah Hoti, në cilësinë edhe të në kryetarit të LDK-së, “nesër do të bisedojë me kryetarë të degëve për punët të cilat i ka bërë Qeveria Hoti gjatë kësaj periudhe si dhe për sfidat që janë para nesh”./Zëri