Nën arrest prindërit e ish-kryeministrit Matteo Renzi

Nën arrest prindërit e ish-kryeministrit Matteo Renzi

Si pronarë të tre kompanive të një biznesi familjarë, ata akuzohen për falimentim e emetim fatura operacionesh falso.

Sipas prokurorisë italiane prindërit e ish-kryeministrit Renzi kanë provokuar qëllimisht falimentimin e tre kompanive të biznesit familjar “Eventi 6” duke  boshatisur arkën e tyre e përvetësuar në mënyrë të paligjshme miliona eurosh

Seanca e parë gjyqësore ndaj prindërve të Renzit do të zhvillohet më 4 mars.

 “Kam shumë besim tek drejtësia italiane”, është komenti i menjëhershëm i Matteo Renzit.

“Të gjithë qytetarët janë të barabartë para ligjit e pres me padurim të marr pjesë në këtë proces. Kush ka lexuar dokumentacionin e  akuzës e gjen këtë masë të marrë nga Prokuroria e Firences absurde e jo proporcionale.”

 Së bashku me prindërit e Matteo Renzit është vënë nën masë arrestimi dhe një ish-drejtues i një prej kompanive.

Ndërsa ministri i Brendshëm Matteo Salvini pyetjes së gazetarëve se çmendon ndaj arrestimit të prindërve të Matteo Renzit është përgjigjur: “Arrestimi i prindërve të Renzit? Nuk ka asgjë për të festuar”