“New Generation” me 11 zëra që e dëshmojnë potencialin

Rrugëtimin e mbrëmjes së tretë të “Rame Lahaj International Opera Festival” e kanë vazhduar talentet e reja dhe paralajmërimi i koncertit, por edhe i pritjeve që ka prej tyre skena muzikore është dhënë që në titullin e koncertit – “New Generation”. Pos potencialit të tyre, ata kanë dalë në skenë edhe për të dëshmuar rezultatet e punës njëjavore me tenorin francez Jean Bernard Thomas. Përveç nga nxënësit e tij e ata që ka njoftuar, Thomas është impresionuar nga Prishtina e qytetet e tjera, të cilat i krahason me metropolet evropiane.