Para takimit në Bruksel, AAK-ja ka një kërkesë për Qeverinë

Para takimit në Bruksel, AAK-ja ka një kërkesë për Qeverinë – Lajmet e fundit



Aleanca për Ardhmërinë e Kosovës ka mbajtur sot një mbledhje ku kanë kërkuar nga Qeveria që të mos ketë kthim prapa në takimin e radhës në Bruksel.

AAK-ja përveç kësaj ka kërkuar që në këtë takim të mos diskutohet për çështje teknike, port ë ndiqet agjenda e marrëveshjes finale me Serbinë.

“Në mbledhjen e sotme të Kryesisë së Aleancës për Ardhmërinë e Kosovës, është kërkuar vazhdimi i agjendës së dakorduar me Sekretarin e Shtetit Anthony Blinken, drejt përmbylljes së dialogut për njohje reciproke me Serbinë”, thuhet ndër të tjera.

Po ashtu kryetarët e komunave që udhëhiqen nga kjo parti, kanë shprehur shqetësimin lidhur me vonesën e lëshimit të mjeteve nga Qeveria, duke thënë se po përballen edhe me një qasje jomiqësore.

“Suficiti i lartë buxhetor që pritet këtë vit, mund të konsiderohet edhe dështimi më i madh i qeverisë”, thuhet në njoftim. /Zëri