Pas videos së Trixës reagon Alban Ramosaj

Beatrix Ramosaj ka postuar mbrëmë një video ku ka treguar jetën pas Big Brother Vip.

Lidhja dhe ndarja me Donaldin ka bërë që Trixa të komentohet shumë kudo në rrjetet sociale.

Madje ajo është kritikuar e kryqëzuar në rrjetet sociale aq shumë saqë kanë kaluar në bullizëm.

Në videon e postuar së fundmi, Trixa ka folur në detaje për lajmet që kanë qarkulluar në mediat rozë.

“Mirëpo, tre muajit e fundit ose edhe më shumë është abuzuar pafund me emrin tim. Jam mallkuar unë, familja ime, gjithë ata që më kanë mbështetur. Kisha vendosur të heshtë dhe mendoja si do e përballoja gjithë këtë presion. Por shoh se thjesht nuk po mbaron. Nuk do doja kurrë që as unë e as të tjerët të bullizoheshin apo sulmoheshin në emrin tim. Të tregojnë qytetari dhe të ndërgjegjësoheshim. Nuk do hesht më. Dua të jep shembull i mirë për vajzat dhe gratë, të tregoj se duhet t’i dalim zot vetes dhe mos të ulim kokën dhe të pranojmë dhunën, as atë online”, tha Trixa.

Ajo ka treguar se si është mallkuar ajo dhe familja e saj si dhe ka paralajmëruar portalet se do përballen me pasoja ligjore nëse nuk shkruajnë me qytetari.

“Nga sot e tutje kushdo që do më ofendojë, kërcënoj, më prish imazhin do përballet me pasoja ligjore. Faleminderit njerëzit që më kanë mbështetur. Do ju lutesha të gjithëve të mendohemi mirë para se ta themi fjalën , të bëhemi më të mirë me njëri-tjetrin, ta duam më shumë njëri-tjetrin, një jetë kemi.”-përfundoi Beatrix.

Tutje, ka reaguar vëllai, Alban Ramosaj i cili është mbështetja më e madhe e Trixës.

‘’Paragjykimet – gjykimet, ofendimet, bullizmi është thjesht një projeksion i pasigurive, limiteve, injorancës dhe nevojave të tyre. E faktuar me qindra herë. Jam i lumtur që dita ditë skur zgjohesh vendos të jesh vetëvetja jotë autentike 100 përqind dhe kjo është arma jote më e fortë. Herët a vonë, e drejta fiton… përherë. Vazhdo të shkëlqesh siç e di ti lër të tjerët të digjen nga rrezet e tua se kashta kashtë do qëndroj vështirë të ktheht në bar të njohmë. Të dua fort unë dhe mijra të tjerë. P.S Uroj që personazhet publik të jenë të vërtetë dhe ndërshëm sa ti, do të ishe një vend më i mirë për të jetuar’’, tha Ramosaj.

Përndryshe, Albani nuk është hera e parë që ka reaguar në mbrojtje të motrës./Insajderi.com