Petkoviqi ankohet se iu ndalua vizita në zonat serbe të prekura nga vërshimet – Lajmet e fundit

Drejtori i të ashtuquajturës Zyre Serbe për Kosovën, Petar Petkoviq, është deklaruar pasi iu ndalua vizita në Kosovë.

Ai tha se institucionet në Prishtinë natën e kaluar, dy orë pas mesnatës, “vendosën ta ndalojnë t’i vizitojë zonat e përmbytura në zonat e banuara me shumicë serbe dhe, siç tha ai, “të shpërndajë ndihma humanitare për familjet e rrezikuara”, transmeton “Klan Kosova”.

“Është e qartë se fushata zgjedhore në Prishtinë filloi para afatit ligjor dhe se serbët janë përsëri shënjestra kryesore. Veprimi i politikanëve shqiptarë tregon se marketingu politik është më i rëndësishëm për ta sesa jeta dhe siguria e njerëzve”, tha Petkoviqi në një deklaratë, raporton “Tanjug”-u.