Rrugë që karikojnë makinat elektrike në lëvizje një hap larg realitetit

Rrugë që karikojnë makinat elektrike në lëvizje një hap larg realitetit

Rrugët të cilat mund të karikojnë makinat elektrike ose autobuzët të cilët janë në lëvizje, nuk janë një koncept i ri, por teknologjia deri më sot ka qenë shumë e kushtueshme dhe jo-efikase.

Megjithatë në Shtetet e Bashkuara një testim po realizohet në Indiana me një lloj çimentoje e cila përmban pjesëza të magnetizuara që një ditë mund të përdoren në një mënyrë efektive për të karikuar makinat në ecje.

Për këtë projekt Departamenti i Transpotit të Indiana ka siguruar financime nga Fondacioni National Science dhe në bashkëpunim me kompaninë Gjermane Magment do të realizojë testimin në tre faza.

Fillimisht do ta testojnë në laborator e më pas në rrugë. Sipas Magment, produkti ka një efikasitet transmetimi wireless prej 85% dhe mund të aplikohet me kosto të përafërta me ato të shtrimit të një rruge të re. Është e qëndrueshme dhe rezistente edhe ndaj akteve të ndryshme të vandalizmit.

Karikimi i kamionëve direkt nga rruga pa shkaktuar asnjë dëm mjedisor do të ishte një arritje e jashtëzakonshme. /PCWorld Albanian