San Marino feston medaljen e parë olimpike me fitoren e Alessandra Perillit

San Marino feston medaljen e parë olimpike me fitoren e Alessandra Perillit

San Marino feston medaljen e parë olimpike me Alessandra Perilli. 33-vjeçarja ia doli të fitonte medaljen e bronztë në disiplinën e qitjes.

Me 34,000 njerëz është vendi me më pak banorë në mesin e të gjithë shteteve të IOC dhe Komitetit Olimpik Kombëtar. Në Lojërat Olimpike Londër 2012, Perilli arriti vendin e katërt, pa mundur të fitojë medalje.

“Më në fund shkoj në podium pas nëntë vitesh sakrificash dhe pas Londrës, ku isha e katërta dhe u ndjeva keq. Nuk e di nëse do të kisha mundur të prisja edhe tre vjet të tjera. Jam shumë e lumtur, por më vjen pak keq sepse kjo finale mund të kishte qenë edhe më e mirë.”

Perilli është nga Rimini dhe ka zgjedhur të përfaqësojë San Marinon për shkak të origjinës së nënës së saj. “Ende nuk e besoj. Shkova për të qëlluar dhe e vetmja gjë që mendova është: Nuk mund të përfundoj përsëri e katërta, nuk e meritoj. Unë me të vërtetë e doja këtë medalje”.

Dhe mesazhi i saj për San Marinon: “Çfarë ndryshon nga sot për sportin në San Marino? Se të rinjtë nuk duhet të heqin dorë, ata duhet ta besojnë atë. Motoja ime është kurrë mos thuaj kurrë.Tani në të ardhmen time është Parisi ”, shtoi sportistja. / KultPlus.com