Selmanaj publikon foto me Veselin: Fushata denigruese ndaj atyre në Speciale do të përfundojë me turp

Selmanaj publikon foto me Veselin: Fushata denigruese ndaj atyre në Speciale do të përfundojë me turp – Lajmet e fundit



Ish-deputeti i AAK-së, Rasim Selmanaj ka publikuar një fotografi të vjetër me ish-kreun e PDK-së Kadri Veselin.

Përmes një postimi në Facebook, Selmanaj ka thënë se kjo fushatë denigruese ndaj atyre që po përballen në Gjykatën Speciale do të përfundojë me turp sikurse përfundoi edhe ndaj Ramush Haradinajt.

Ai tha se ata që e drejtuan luftën e lavdishme të UÇK-së meritojnë mbështetjen e çdo shqiptari.

“Gjithmonë do të mbetem mbështetës i fuqishëm i pastërtisë së luftës së UÇK-së! Ata që e drejtuan luftën e lavdishme të UÇK-së meritojnë mbështetjen e çdo shqiptari! Së shpejti edhe kjo fushatë denigruese ndaj atyre që po përballën në gjykatën speciale do të përfundoi me turp ashtu siç përfundoi edhe ndaj Ramush Haradinajt”, ka shkruar Selmanaj./Zëri