Shitjet e kompjuterëve ranë me 28% vitin e kaluar

Boomi i pandemisë për tregun e kompjuterëve personale ka arritur fundin dhe këtë e konfirmojnë edhe të dhënat e International Data Corporation.

Shitjet globale të kompjuterëve tradicionalë ranë në 67.2 milionë njësi në tre mujorin e katërt të 2022, një rënie me 28.1 përqind krahasuar me të njëjtën periudhë në 2021 dhe e përafërt me tre mujorin e katërt të 2018-ës kur Intel dominonte.

Lenovo ishte prodhuesi më i madh duke shitur 15.5 milionë njësi ndjekur nga HP me 13.2 milionë njësi. Dell vinte në vendin e tretë me 10.8 milionë sisteme të shitura ndërsa Apple shiti 7.5 milionë kompjuterë Mac.

Të gjithë prodhuesit raportuan rritje negative krahasuar me tre mujorin e katërt të 2021.

Gjatë gjithë vitit janë shitur 292.3 milionë sisteme por tregu është ende mbi nivelet që ishin përpara pandemisë. IDC thotë se shumica e përdoruesve tashmë kanë kompjutera të rinj dhe ekonomia globale nuk është në gjendje të mirë.

Sipas firmës kërkimore thotë se ekziston një konsensus i përgjithshëm se tregu i kompjuterëve mund të rikthehet tek rritja në fund të 2023 ndërsa një rikuperim më gjerë të ndodh në 2024.

Kujtojmë se në fillim të kësaj jave Microsoft i dha fund mbështetjes për Windows 7 dhe Windows 8, një faktor që mund të ndikojë në rritjen e shitjeve në të ardhmen e afërt. Kompjuterët me Windows 7 përbëjnë 11.2 përqind të tregut sipas të dhënave të StatCounter për Dhjetorin 2022. /PCWorld Albanian