Syla: Marre e madhe paaftësia e FFK-së për tu licencuar, po tregohemi joserioz ndaj UEFA-së

Syla: Marre e madhe paaftësia e FFK-së për tu licencuar, po tregohemi joserioz ndaj UEFA-së – Lajmet e fundit



Analisti Valon Syla ka reaguar pas raportimeve se Komisioni për licencimin e federatave sportive pranë Ministrisë së Kulturës, Rinisë dhe Sportit edhe zyrtarisht përmes një shkrese dërguar në Komitetin Ekzekutiv të Federatës së Futbollit të Kosovës ka kërkuar nga kryetari i FFK-së, Agim Ademi që ta pezullojë veprimtarinë e tij në postin e presidentit të kësaj federate.

Syla ka thënë se sjellja e FFK-së dhe paaftësia e saj për tu licenscuar është marre e medhe dhe si shtet i sapo anëtarësuar, po tregohemi joserioz ndaj UEFA-së, transmeton Zeri.info.

“Kjo veç po duket serioze tashmë. Sjellja e FFK’së dhe paaftësia e saj për tu liçencuar, është një marre e madhe kosovare së pari ndaj futbollit kosovarë, Shtetit të Kosovës dhe në fund ndaj UEFA’së, që po tregohemi totalisht jo serioz si anëtarët më të ri të ksaj organizate evropiane të futbollit”, ka shkruar Syla.

Ai ka bërë thirrje për për reflektim serioz dhe profesional.

NDryshe në letrën e Komisionit për licencimin e federateve sportive, thuhet se komisioni përmes rrugëve zyrtare e ka vërtetuar që Agim Ademi është në proces gjyqësor dhe se si rezultat i kësaj FFK nuk mund të licencohet, pasi kjo do të binte ndesh me ligjet e Republikës së Kosovës, me statutin e FFK-së dhe me kodin etik të FIFA, të cilin FFK është i obliguar me statut dhe ligje të Kosovës e UEFA-s dhe FIFA-s ta respektojë. /Zëri