Tether siguron se rezervat e saj nuk janë ekspozuar ndaj telasheve të Celsius

Tether siguron se rezervat e saj nuk janë ekspozuar ndaj telasheve të Celsius

Tether tha ditën e sotme se kishte likuiduar një kredi marrë nga kompania e huadhënies në kriptovaluta Celsius.

Emetuesi i stablecoinit nuk specifikoi vlerën në dollarë por tha se kishte arritur ti jepte fund kredisë pa humbje.

“Ky proces u realizua në një mënyrë që të minimizonte impaktin mbi tregjet dhe me tu mbuluar kjo kredi, Tether rikthehu pjesën e ngelur tek Celsius sipas marrëveshjes që kishin pasur. Pozicioni i Celsius është likuiduar pa asnjë humbje për Tether,” njoftoi kompania.

Celsius, kompani e cila muajin e kaluar u detyrua të ndërpriste tërheqjet nga platforma e saj për të stabilizuar likuiditetin, kishte marrë një hua nga Tether në bitcoin. Tether tha muajin e kaluar se kishte zero ekspozim ndaj Celsius me përjashtim të një investimi të vogël bërë nga kapitali i Tether.

Tether është kompania pas stableconit më të madh në botë, USDT. Tokeni i saj, i cili tregtohet në të gjitha bursa e mëdha, shihet si shtylla kurrizore e ekonomisë crypto.

Stablecoinët zakonisht janë të lidhura me vlerën e dollarit Amerikan dhe janë të rëndësishme për tregtuesit të cilët e përdorin për të tregtuar kriptoasete të tjera pa pasur nevojë për akses në dollar.

Muajin e kaluar spekulime qarkulluan se një pjesë e portofolit të Tether në para prej letre, është 85% letra me vlerë nga Kina dhe Azia dhe tregtohen me 30% zbritje. Tether e mohoi këtë dhe tha se spekulimet ishin të fabrikuara për të nxitur panik dhe gjeneruar fitime nga një treg tashmë nën presion.

Gjendja e rezervave të Twitter ka qenë një temë e nxehtë kohët e fundit. USDT supozohet se është mbështetur në dollarin Amerikan 1 me 1 por kritikët vazhdimisht kanë hedhur dyshime mbi rezervat.

Ekspozimi ndaj kompanive crypto me probleme si Celsius kanë ngritur akoma më shumë shqetësime tek investitorët në një kohë kur shumica e platformave crypto kanë hasur vështirësi.

Celsius, në një pikë kishte 10 miliardë dollarë asete konsumatorë, përfundoi në keqmenaxhim të platformës së huadhënies duke humbur 350 milionë dollarë fonde të konsumatorëve.

Sot Tether edhe njëherë tjetër u përpoq të siguronte klientët se nuk ishte ekspozuar ndaj Celsius dhe asnjëherë nuk ka vënë në rrezik integritetin e rezervave. /PCWorld Albanian