Vdes Drita Bajrami, gruaja që kishte shitur qaforen e arit për të ndihmuar Universitetin e Tetovës

Vdes Drita Bajrami, gruaja që kishte shitur qaforen e arit për të ndihmuar Universitetin e Tetovës

Bëhet e ditur se ka ndërruar jetë Drita Bajrami Saiti, ndër gratë shqiptare që kontribuan në arsimim.

Drita në vitin 1994 kishte shitur qaforen e saj të arit, apo siç njihet në popull me emrin qystek, një qafore që është dy metra e gjatë. Këtë gjest Drita e kishte bërë për të ndihmuar Universitetin e Tetovës për të mos ndërprerë mbarëvajtjen e procesit mësimor.

Kontributi që shumica e grave shqiptare kanë dhënë në fushën e arsimimit shpesh kalon pa u vënë shumë në pah. Kontributet e tilla atë botë ishin jetike për të mbajtur gjallë shpresat e studentëve dhe prindërve shqiptarë në Maqedoni, të cilët ëndërronin të shkolloheshin në gjuhën amtare. / KultPlus.com